ЗЕЛС остварува плодна и успешна соработка и на меѓународно поле.

ЗЕЛС е членка на:

- НАЛАС (Мрежата на локалните власти на Југоисточна Европа),

- ЦЕМР (Комора на европските општини и региони),

- ЦЛРАЕ (Конгресот на локални и на регионални власти на Европа, при Совет на Европа),

- АЛДА (Асоцијација на агенции за локална демократија) и на

- Заедничкиот консултативен комитет меѓу Република Македонија и Комитетот на региони на Европската унија

НАЛАС - Мрежата на асоцијации на локалните власти на Југоисточна Европа е организација што функционира повеќе од седум години, а е официјализирана во 2004 година во Стразбур, Франција. Првата седница на Генералното собрание беше одржана во септември, 2005 година, во Скопје. Од март 2007 година, НАЛАС има секретаријат, чиешто седиште е во Скопје, во зградата на ЗЕЛС „Куќата на општините”, во приземниот дел. Во рамките на НАЛАС се формирани неколку работни единици, кои ги раководи по една асоцијација што е нејзина членка, а ЗЕЛС е задолжен за активностите во НАЛАС од областа развој на асоцијациите. Работната задача на оваа единица е да воспостави системи за најдобро работење на обуките за општински службеници и за избрани лица, размена на најдобра практика, воспоставување соработка на разни структури на вработени во асоцијациите, воведување систем на стандарди во асоцијациите, размена на искуства во однос на искористување на фондовите на ИПА , како и обука и тренинг за тие фондови. За воспоставување поинтензивна соработка и размена на информации и на искуства меѓу општините е воспоставен Центар на знаење на НАЛАС (Кноњледге Центре).

Делегати и нивни заменици во Генералното собрание на НАЛАС:

1. Коце Трајановски, градоначалник на Град Скопје - делегат
2. Бајрам Кадриу, градоначалник на општина Врапчиште - делегат
3. Тони Трајковски, градоначалник на општина Гази Баба – заменик-делегат
4. Милосим Војноски, градоначалник на општина Македонски Брод - заменик-делегат

ЦЕМР – Советот на европските општини и региони постои повеќе од 50 години, а ЗЕЛС се зачлени на почетокот на 2004 година. Најголемиот дел од активностите на ЦЕМР се финансирани од членарина на нејзините членки, но и од Европската комисија и најмногу се насочени кон земјите што се членки на ЕУ Нејзини членки се повеќе од 50 национални асоцијации на градови, општини и региони од 37 земји, кои заедно претставуваат околу 100.000 локални и регионални власти. Во дел на одредени проекти, многу активно учествува и ЗЕЛС. Може да се издвои проектот за рамноправност на половите во локалната самоуправа, од каде што произлезе Декларација за рамноправно учество на жените и на мажите во локалната самоуправа. Таа беше усвоена од Управниот одбор и препорачана до сите општини. ЗЕЛС е активно вклучен и во проектот за збратимување на европските општини, за што ЦЕМР направи веб-страница, а администрацијата на ЗЕЛС направи комплетен превод на македонски јазик. Целта е сите општини во Македонија да можат активно да ја користат оваа алатка во идните процеси на збратимување со европските општини. Претставник на ЗЕЛС во ЦЕМР – Совет на локални и на регионални власти на Европа е Зоран Алексов, градоначалник на општина Штип.

ЦЛАРЕ - Конгрес на локални и на регионални власти на Европа, при Совет на Европа

Конгресот на локални и на регионални власти на Европа со седиште во Стразбур е едно од трите основни тела на Советот на Европа, покрај Комитетот на министри, одлучувачко тело на организацијата, Парламентарното собрание, движечка сила за европска соработка и Конгресот, што претставува глас на европските региони и општини. Делегати и заменици во Конгресот на локални и на регионални власти при Советот на Европа

1. Владимир Талески, градоначалник на општина Битола - делегат
2. Зоран Заев, градоначалник на општина Струмица - делегат
3. Енвер Пајазити, градоначалник на општина Брвеница - делегат

Заеднички консултативен комитет меѓу Република Македонија и Комитетот на регионите на Европска унија

На продолжението на првата седница на Управниот одбор, одржана на 21 мај 2009 година, беа избрани и именувани 11 претставници во Комитет на регионите на Европската унија и нивни заменици, а за копретседавач е избран Зоранчо Алексов, градоначалникот на Општина Штип. Целта на оваа група претставници на локалните власти е да се оствари поблиска соработка со Комитетот на региони, еден од трите клучни столба на Европската унија. Формираниот Заеднички консултативен комитет на Европската унија и на Македонија веќе оствари четири средби, од кои две беа во нашата земја и две во Брисел.

Номинација на делегати и на нивни заменици во Заедничкиот консултативен комитет меѓу Република Македонија и Комитетот на регионите на Европска унија:

Делегати:

1. Зоран Алексов, градоначалник на општина Штип
2. Владимир Тодоровиќ, градоначалник на општина Центар
3. Владимир Талески, градоначалник на општина Битола
4. Ивица Коневски, градоначалник на општина Аеродром
5. Марјан Ристески, градоначалник на општина Прилеп
6. Сади Беџети, градоначалник на општина Тетово
7. Фати Исени, градоначалник на општина Студеничани
8. Исмаил Јајоски, градоначалник на општина Пласница
9. Ванчо Србакоски, градоначалник на општина Вранештица
10. Ратко Димитровски, градоначалник на општина Кочани
11. Ѓоко Сајковски, советник на општина Кичево

Заменици :