|
На 23 февруари ,ЗЕЛС одржа прес- конференција, по повод актуелните состојби со водениот потенцијал во земјава и опасностите од поплави, лизгање на теренот и одронувања на карпите на патиштата, предизвикани од дождовите и интензивното топењето на снежната покривка. Претседателот на ЗЕЛС, Коце Трајановски истакна дека општините се активно вклучени во активностите за спречување од настанување на поголеми елементарни непогоди, во рамките на своите расположливи човечки капацитети и механизација. Тој потенцира дека токму благодарение на започнататите активности во минатата година за расчистување на одводните канали и коритата на реките, засега на теренот нема некои поголеми неповолности и поплавување на куќите на месното население Беше потенцирано дека општините продолжуваат со овие активности на расчистување, но и на оддржување на каналите, а исто така укажа дека се поголем број општини во своите финасиски планови одвојуваат средства за оваа намена . Беа посочени и одредени примери каде општините се активно вклучени, како што е општина Струга, која со волонтери и своја механизација, во Радожда учествуваше во расчистување на локален пат од одрони и пренасочување на водата од одредени потоци и сливови. Слични активности има и во општините Василево и Босилово кои со пет багери на терен и го расчистуваат коритото на реката Турија во должина од 15 км и поставуваат насипи покрај истата.
Трајановски ја истакна и континуираната и перманентна соработка и комуникација на ЗЕЛС со ЦУК – Ценатрот за управување со кризи и со Дирекцијата за заштита и спасување. Нагласи дека иминатите денови, градоначалниците учествуваат на координативните состаноци на телата и комисиите формирани во согласност со Националната Платформа за управување со кризи. Таква е и Платформата за ризици во домен на инфраструктура во чии рамки е справување со поплавите а со која раководи Министерството за транспорт и врски на Р.М.,а ЗЕЛС има свои претставници. Соглансо насоките и усогласувањето на активностите кои произлегуваат од самата Национална платформа, општините постапуваат во рамките на своите надлежности утврдени со членовите 34 и 35 од Законот за заштита и спасување, а сето тоа во рамките на расположливите средства и технички капацитети. Всушност , во овие членови се опфатени и надлежностите на Општината за расчистување на локални патишта, улиците и други инфраструктурни објекти во случај на непроодност предизвикани од силни врнежи, одрони, лизгање на земјиштето итн. Исто така во Законот е утврдена обврска Републичките сили за заштита и спасување да реагираат на повик на опшштините кои не можат самостојно да се справат со состојбите резултата на непогодата.
Беше најавено дека за утре е закажан повторно состанок на Координативното тело при Министерството за транспорт и врски на кој ќе присуствуваат голем број градоначалници, особено од кризните подрачја. На крајот Трајановски уште едднаш потенцира дека само со заедничка соработка на локалните и централните институции можно е справување со непогоди кои се резултата и на глобалните климатски промени
|