ЛОГИН ИЗБОРНИК
Login Izbornik

Вашата еmail адреса
за најава на ЛОГИН
еmail листата



За Одјава

Прес Соопштенија


26 април 2013
ЗЕЛС,во соработка со Министерството за транспорт и врски започнува со активности за презентирање и запознавање на сите релевантни институции, за користењето на софтверската апликација за електронско издавање на одобрение за градење. Овие активности се реализираат со цел обезбедување на целосна подготвеност на институциите, кои од 1 јуни, 2013 година, треба да започнат со примена на законската обврска, утврдена во Законот за градба, целокупната постапката на издавање на одобрение за градење, за сите категории на градби, да се извршува по електронски пат. За оваа цел, ЗЕЛС во соработка со МТВ, веќе ја обезбеди потребната софтверска апликација.
5 март 2013
На 06 март, 2013 година (среда), со почеток во 11.00 часот, во просториите на ЗЕЛС, министерот за транспорт и врски, Миле Јанакиески, претседателот на ЗЕЛС ќе одржат прес конференција, на која ќе биде презентирана најновата електронска алатка наменета за општините. На овој настан ќе присуствуваат и потпретседателите на ЗЕЛС, Зоран Дамјановски градоначалник на Општина Куманово и Изет Меџити, градоначалник на општина Чаир.
19 септември 2012
Во административната зграда на ЗЕЛС, на 19 септември, 2012 година , ќе се одржи средба на претставници од ЗЕЛС со европратеникот, г-дин Ричард Ховит (Richard Howitt ), известувач за Република Македонија во Европскиот парламент и со заменик на специјалниот претставник на УНДП, г-дин Алесандро Фракасети (Alessandro Fracassetti). На средбата ќе се дискутира за досегашниот развој и идните активности на локалните власти, во насока на развивање на реформските процеси во децентрализацијата во нашата земја.
8 јуни 2012
Претседателството на ЗЕЛС, на 08-ми јуни (петок), 2012 година, во 12 часот, во просториите на ЗЕЛС ќе се сретне со заменик на претседателот на Владата на Република Македонија и министер за финансии, Зоран Ставрески, со министерот за локална самоуправа, Невзат Бејта и со министерот за труд и социјална политика, Спиро Ристовски.
26 април 2012
ЗЕЛС на 26 април, 2012 година, ќе го одбележи Јубилејот -40 години од своето основање. По тој повод, на на 26 април, 2012 година, во хотелот ,,Холидеј Ин “ со почеток во 12 часот, ќе се одржи АКАДЕМСКИ ЧАС, со кој ќе се одбележи овој значаен датум за Заедницата и нејзините членки –општините, но значаен и за целокупниот процес на децентрализацијата во нашата земја. Во Статутот на ЗЕЛС , 26 Април е прогласен за Ден на ЗЕЛС и Ден на општините во земјата . На присутните , во името на Заедницата ќе им се обрати актуелниот претседател на ЗЕЛС, Коце Трајановски, Тој во својот говор накратко ќе потсети на историскиот развој и почетоците на формирањето на тогашната Заедница на општини и градови на Македонија ( ЗОГМ), во далечната 1972 година. Ќе говори за структурните промени на Заедницата во овој четириесетгодишен период, но и за политичките и општествени состојби на локалното владеење во земјата. Нема да изостанат и набројувањата на најзначајните успеси на ЗЕЛС во изминатите седум години од воспоставувањето на децентрализацијата на власта, при што накратко ќе бидат посочени и идните правци на дејствување.
24 април 2012
По повод одбележување на Јубилејот -40 години постоење на ЗЕЛС, на 24 април ( вторник) , 2012 година, со почеток во 12,00 часот, во спортско -рекреативниот центар, СРЦ ,,Борис Трајковски “ ќе се одржи ревијален фудбалски натпревар . Екипите ќе бидат составени од претставници од локалната власт- градоначалници, претставници од централната власт – од Владата на РМ и од Собрание на РМ и новинарски екипи .
23 април 2012
ЗЕЛС на 26 април, 2012 година, ќе го одбележи Јубилејот -40 години од своето основање. По тој повод, на на 26 април, 2012 година, во хотелот ,,Холидеј Ин “ со почеток во 12 часот, ќе се одржи АКАДЕМСКИ ЧАС, со кој ќе се одбележи овој значаен датум за Заедницата и нејзините членки –општините, но значаен и за целокупниот процес на децентрализацијата во нашата земја. Во Статутот на ЗЕЛС , 26 Април е прогласен за Ден на ЗЕЛС и Ден на општините во земјата .
28 декември 2011
На 28 декември, 2011 година, во просториите на ЗЕЛС ( улица Женевска бб. Тафталиџе 2) со почетокок од 14, 30 часот ќе се одржи средба на Управниот одбор на ЗЕЛС со Владата на Република Македонија. Во согласност со Меморандумот за соработка помеѓу ЗЕЛС и Владата на Република Македонија, склучен уште во 2003 година, веќе традиционално, најмалку еднаш годишно се организира средба меѓу овие две институции. Оваа средба претставува уште една потврда за продолжување на воспоставената практика на заеднички дијалог меѓу централната и локалната власт.
15 декември 2011
Заедницата на единиците на локалната самоуправа на Република Македонија-ЗЕЛС, на 14 декември, 2011 година (среда), во хотелот ,,Холидеј ин“, во сала ,,Милениум 1“, со почеток од 12:00 часот, ја организира 5-тата седница, на Генералното Собрание на ЗЕЛС На седницата се поканети и гости од Владата на Република Македонија и претставници од дипломатскиот кор и од меѓународните организации присутни во нашата земја . Делегатите на Генералното собрание, односно 85-те градоначалници, на седницата ќе дискутираат за значајни предизвици со кои се соочуваат локалните власти во извршувањето на надлежностите, превземените активности и идните приоритети на општините, со цел успешно извршување на своите надлежности и обезбедување на поквалитетни услуги за граѓаните.
19 август 2011
Заедницата на единиците на локалната самоуправа на Република Македонија-ЗЕЛС, денес на 18 август, 2011 година, во просториите на Град Скопје, во 12 часот, организира средба на раководството на ЗЕЛС со три министри од Владата на Република Македонија. На средбата ќе присуствуваат претседателот на ЗЕЛС, Коце Трајановски и двајцата потпретседатели на ЗЕЛС , Изет Меџити и Зоран Дамјановски,како и извршниот директор на ЗЕЛС Душица Перишиќ, а од страната на Владата на Р.М. ќе бидат присутни министерот за локална самоуправа Невзат Бејта, министерот за образование и наука, Панче Кралев и министерот за транспорт и врски, Миле Јанакиески.

Погледнете во нашата архива на вести

Е - Градежна дозвола
Електронска градежна дозвола

Градежно Земјиште
GRADEZNO ZEMJISTE


Гласило

Стратешки план 2011 - 2015


Родова еднаквост




ЗЕЛС е-услуги

© Copyright ЗЕЛС 2009, Сите права се задржани.